Damb era nhèu recenta e eth vent, pendent era prumèra mitat dera net es plaques de vent, ja granes, an nauament aumentat de mida. Aguestes pòden en fòrça endrets desencadenar-se ath pas d'ua persona e arribar a mida grana. Es endrets perilhosi se tròben sustot enes pales fòrça arribentes orientades a èst e sud per dessús des 2000 m aproximativament.

Era grana quantitat de nhèu recenta e era nhèu ventada dera darrèra setmana se pòden desencadenar damb facilitat de manèra accidentau o, isoladament, de manèra naturau en totes es orientacions e generaument en còtes mejanes e nautes. Es lauegi en aguesti sectors son soent de mida mejana e fòrça de bon desencadenar.

Era actuau situacion de lauegi requerís fòrça experiéncia ena avaloracion deth perilh de lauegi. En zònes dehòra de pista fòrça populars, era situacion de lauegi non ei pas guaire mès favorable.